Fréttir
Ættbóka gagnagrunnur
Um tegundina
Hvolpar
Sýningar
Greinar
Ýmislegt
Tenglar
Gestabók
Netföng

Myndasafn
Gestabók

News
Pedigree database
The breed
Litters
Shows
Articles
Misc
Links
E-mail´s

Photogallery
Guestbook

• Aldrei skilja hvolpinn/hundinn eftir með hálsól, beisli eða taum á sér eftirlitslausan, hvort sem er inn í bíl eða í búri. Hann gæti flækt sig og kafnað.
  
  
• Skiljið hund aldrei eftir í bíl án þess að hafa rifu á gluggum. Í sólskini eða í heitu veðri skal aldrei skilja hundinn eftir í bílnum. Bílinn verður sjóðheitur á nokkrum mínútum, þrátt fyrir rifu á gluggum og hundurinn getur fengið hitaslag og dáið.
  
  
• Hvolpurinn/ hundurinn skal alltaf hafa aðgang að drykkjarvatni.
  
  
• Hvolpurinn þarf að borða fjórum sinnum á dag þangað til að hann eru.þ.b. 4. mánaða. Þá má minnka í 3 máltíðir á dag, svo í 2 eða eina þegar hann er orðin um 6-7 mánaða gamall.
  
  
• Fylgjast þarf svo með þyngd og holdarfari hvolps / hunds.
  
  
• Hundum skal aldrei gefið elduð bein undir neinum kringumstæðum. Hráir nautsleggir eru einu beinin sem flestir dýralæknar telja óhætt að gefa, þó ber að varast að slys hafa orðið og þau hafa staðið í hundum. Best er að gefa hundum þar til gerð bein úr nautshúð, til að naga. Þó er best að hafa alltaf auga með þeim þegar þeir eru með nag.
  
  
• Unga hvolpa skal ekki hreyfa of mikið meðan þeir eru að vaxa. Leikur í garði er fullnægjandi. Ekki fara með hvolpa í lengri gönguferðir fyrr en um 6 mánaða aldurinn, þá má auka þær hægt og rólega. 10 mínútna ganga eru nóg fyrir hvolp.
  
  
• Passa skal að hvolpurinn hoppi ekki niður úr mikilli hæð og þvælist ekki mikið upp og niður stiga fyrst um sinn. Shih Tzu hafa langt bak og passa þarf að þeir fái ekki bakmeiðsl eða hnikk í mjaðmir meðan þeir eru að mótast og vaxa. Passaðu þig að missa ekki hvolpinn og að óvanir og yngri börn séu ekki að taka hann upp.
  
  
• Hundar mega ekki fá súkkulaði, vínber, rúsínur, lauk, Mikið magn af lifur, mar hnetur, Xylitol gerfisætuefni þetta getur valdið eitrunum hjá hundum neitt í of miklu magni.
  Annað sem ætti að varast að hundar komist í: Nylonsokkar og allt úr nylonefni, lyf ætluð mönnum, Rottu-og skordýraeitur, rabbarbarablöð, plöntur og pottablóm, kartöflugrös, frostlögur á bíla, þvottaefni og önnur hreingerningaefni, batterí úr úrum, ávaxtasteinar.
  
  
• Gerðu heimili þitt hvolpavænt. Rafmagnssnúrur, smádrasl, glerbrot og annað sem hvolpurinn getur farið sér á voða með þarf að stúka af eða fjarlægja.
  
  
• Gott húsráð er að setja vaselín í skeggið til að halda því niðri þegar þeir eru ungir og það stendur allt út í loftið. Þá helst það niður og frá augunum.
  
  
• Gott er að eiga hitamæli fyrir hundinn. Venjulegur tölvuhitamælir er notaður og stungið í endaþarm hvutta eins og þegar börn eru mæld. Ef hundurinn verður veikur spurja dýralæknar um hitastig hans. Eðlilegt hitastig hunda er 38 - 39 gráður.
  .
  
• Mundu að ungir hvolpar þurfa að hvílast og ná góðum svefn til að vaxa. Ekki skal vekja sofandi hvolp og passa þarf að leika ekki of mikið og lengi í einu. Hvolpar eru ekki leikföng, hvorki fyrir börn né fullorðna.
  
  
• Mælt er með að bólusetja hvolpa í fyrsta sinn 7-9 vikna og endurtaka hana tvisvar sinnum með 3 vikna millibili. Eftir það eru hundar bólusettir árlega. Bólusetning er aðferð til að auka náttúrulegt viðnám ónæmiskerfis líkamans. Hvolpar eru svo ormahreinsaðir um leið, og sumir ræktendur kjósa að ormahreinsa þá líka fyrr 2-4 vikna
  
  
• Umhverfisþjálfaðu hvolpinn/hundinn þinn svo að hann öðlist sjálfsöryggi og verði óhræddur! Þjálfaðu hvolpinn rólega við allar aðstæður. Umferð, margmenni, stiga, lyftur, bíla og aðra góða hunda.
  
  
• Shih Tzu hvolpar eru hundar þó þeir séu litlir, loðnir og agalega sætir. Þá þarf að siða, venja og kenna eins og öllum öðrum hundum. Ekki vorkenna hvolpinum ef hann verður hræddur. Vertu vingjarnleg/ur og ákveðin. Notaðu skipun eins og NEI og taktu jafnvel aðeins í hnakkadrambið á honum þegar hvolpurinn gerir rangt og hrósið ef hann gerir rétt, það er ekki síður mikilvægt.
  
  
• Shih Tzu eru það sem kallast er "Late whelpers" þ.e.a.s fæðingarferlið getur tekið lengri tíma en gengur og gerist hjá öðrum tegundum.
  
  
• Dagleg snyrting og handfjötlun er góð til að venja hvolpinn við. Settu hann upp á borð, skoðaðu tennur, augu, eyru og þreyfaðu hann allan. Burstaðu mjúklega yfir hann til að venja hann við alla handfjötlun síðar meir. Einnig til að ganga úr skugga um að allt sé í lagi.
  
  
• Byrjaðu strax að gera hvolpinn þinn húshreinann. Settu hann alltaf út strax og hann vaknar, einnig þegar hann er nýbúinn að borða og þegar hann hefur leikið sér. Litlir hvolpar pissa mjög oft. Þú lærir að þekkja einkennin þegar honum er mál. Gott er að setja einnig dagblöð eða pissumottur á gólfið við útidyr. Tilgangslaust er að skamma hvolp ef hann gerir sitt inni ef hann er ekki staðin að verki. Vertu þolinmóð/ur og samkvæm/ur sjálfum þér við að kenna hvolpinum hreinlæti. Það fer eftir ÞÉR hve lengi hann er að ná þessu.
  
  
• Gott er að strá kartöflumjöli yfir pissubletti í teppum svo ekki myndist gulir flekkir. Því hvolpum finnst oft teppi hentugir staðir til að pissa á.
  
  
• Vendu hvolpinn þinn við tannburstun. Langbest er að bursta tennur hunda reglulega með mjúkum barnatannbursta og vatni til að komast hjá tannstein og tannskemmdum. Því er gott að venja þá strax við létta tannburstun með þegar þeir hafa fengið allar tennurnar.
  
  
• Taktu myndir af hvolpinum þínum, hann vex hratt ;-)
  

Tekið saman af Önju Björgu Krinstinsdóttur